Observation on March 2019 Yangon Municipal Election Campaign (Lai)

Salai Van Cung Lian

Yangon Municipal thimnak ah constituency no. 3 caah aa cuh dingmi candidates dihlak 13 an si. Hi 13 chungah Yangon khuapi Mayor caah minung 4 an icuh i Yangon Municipal Committee chungtel thutden caah minung 9 an icuh.

General Observation

Yangon Municipal Thimnak zohfelnak chung in biapi deuh tiah ruahmi hmuhning le thilsining tlawmpal cu a tanglei bantuk in ka hung langhter.

  1. Yangon constituency (no.3) in Yangon Municipal Committee caah ai cuhmi minung 13 lakah nu pakhat lawng ai tel.
  2. Thimfung lemsoinak an tuah ning a tha. Nain derthawnnak tampi cu a ngei ve. Mipi nih thimfung an tlak cio nak hnga catlap in siseh, biaruahnak (dialogue) in thimfung lemsoinak an tuah pinah motor in thimnak kong signpost cu khua chungah an vah pi.
  3. Mipi nih thimnak kong an theih i candidate kong an theih khawhnak i an caah a tha bik tiah ruahmi minung an thim khawhnak hnga caah an tuahmi thimnak dialogue pawl ah mipi an ra i bia ngaih an huam nak hnga caah hlasak thiam an sawm hna.

Thimfung lemsoinak caah an chuahmi catlap vialte chungah candidate U Aung Khanh catlap in thimfung sining tlawmpal ka langhter lai. U Aung Khanh cu fimcawnnak lei in chim ahcun catang sang a si. Political Science Institute of Paris in MSc inUrban Planning and Public Administration le BSc in Political Science a dihmi a si.

U Aung Khant Thimfung Lemsoinak Caah Chuahmi Catlap Ah Zeidah An Tial?

An chuahmi catlap chungah U Aung Khant i educational background le work experience pawl an langter pin ah U Aung Khant riantuanning a duhmi zulhphung (policy) tete zong an langhter. Cu hna cu:

  1. Mipi nih thimmi kan si caah mipi he riantuanti ding.
  2. Transparent tein khinhmi riantuan ding.
  3. Riantuannak ah mipi iteltumnak karhter ding.
  4. Thiamnak a ngeihmi, hmuhtonnak a ngeimi, mino, upa le mipi he kutsih in riantuanti ding, timi hna hi an si.

U Aung Khant Thimfung Lemsoinak i a Derthawnnak

U Aung Khant caah thimfung lemsoinak catlap chuahmi ah derthawnak tete tampi a um ve. Tachunhnak ah, mipi he riantuanti le riantuannak ah mipi teltumnak biapi ah ka chiah lai, tiah a ti ko nain Yangon khuapi thanchonak caah zeidah papek in ka tuan lai, timi a langhter lo.

Cucaah, U Aung Khant cu Salai Van Cung Lian nih biahalnak a tuah. Biahalnak cu “thimnak ah teinak hmuh law Yangon thanchonak caah zeidah papek in na tuan lai?” tihi a si. U Aung Khanh nih a leh thanmi bialehnak hna cu a tanglei bantuk in a si. U Aung Khanh nih teinak a hmuh ahcun papek in a tuan dingmi cu:

  1. Mei le Ti
  2. Mipi huhimnak (safety and security) hna hi a si.

Papek in ka tuan lai, tiah U Aung Khanh nih a timi pawl hi thimnak ah ai pemi minung pakhat cio nih an ruah cio mi a si ko lai. Cucaah, U Aung Khant hi thimnak ah ai pe ve mi candidate dang he tahchunh ahcun zei hlei dah a si? Zei hlei dah a dang nakin tha deuh in a tuan lai? timi biahalnak a um kho mi a si.

Tahchunhnak ah, “riantuannak ah transparency a um lai,” tiah a ti a si ahcun Yangon municipal governance nih e-governance system tlamtling tein an hmang khawhnak ding caah rian ka tuan lai timi timhtuahnak hna ngei sehlaw a caah teinak hmuh a fawi deuh kho mi a si.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s