Hakha (Tekahto), College Pyinya mong lah cong Im, bi lo khap shoi nak gui (Cho Version)

Tha Cer Cin

Hngu hmat nak vai, ng’thei tham nak-ung hlü ca, cong Im, ang hloi ah, bi lo nak vai gui shäm cuh, (Tekahto) a hang kai nak vai phäh, a tung pi-ah, hlü ca kya ki. K’Cho khaw yung om ca (Tekahto), College gui yung, hlü ca Cong Im, ang hloi-ah bi lo nak vai gui, I hlo ka a Om? Hngon hlok-ung a om? Ci gui cuh, a tung pi ah, ng’shi vai kya ki nei. Ca kya hlei, tu bäi, (htu-tei-hta-na)-ah, ng’shi-ca cuh, “Hakha (Tekahto), College gui-ung hlü Ca, Cong im, khap shoi tu ca bi lo nak gui, I hlok ka, ang ng’kyüp be, kä ng’kyüp be hlei, ng’thei tham nak-ung, I-ah a kya?” Ci cuh pyein hlü kya ki.

Shin-ah (htu-tei-hta-na) yung, a tung pi ah, a ming ng’thei tham yang, hlü ca Cong Im, khap shoi tu ca bi lo nak gui, ng’gü k’la nak gui, Ca Chei nak Im, lah a hngei gui, I hlok-ah, ang ng’kyüm be, Ci gui cuh teng m’kyein na, kya ki. Tu bäh hngu hmat gui cuh, Shin gui-ah kya ki nei;

Ma neh Hakha (Tekahto), College gui yung, m’thei thang nak vai-ah hlü Ca, Cong Im kyong, K’pe m’shon, ngo pe gui cuh ng’kyüm be Ca kya ki. Chang mät hngu neh ng’shi Ca nak-ung, Cong htu/Conghta (78%) nawh, Cong Im kyong ng’kyüm ma mong lah Cong htu/ Cong hta (75%) nawh, K’pem’shon, ngo pe gui ng’kyüm be ki ce, m’shang nak ba om Ca kya ki. Cun-ung phih, nga tüi vai tu mat cuh, kä kut khaw ca, Cong htu/Cong hta gui ka vai, a mi te ton-nak gui vai, ng’hloi khai pyan tu peit gui cuh, kä Om Ca Kya ki nei.

A hngi nak-ung, ng’gü k’la nak vai polungkun, hlü Ca Kya ki, Cong htu/Cong hta (79%) nawh ng’gü K’la nak vai, kä Om ki ce pyein nak om ca kya ki. Ng’ gü k’la nak vai hngi om ci te, a cum-ah pan tu vai, kä ng’hloi ki kya ki ce, pyein nak om ki nei. Cong htu/Cong hta (51%) nawh ng’gü k’la nak vai GYM Om ci te, ng’gü neh kä ga ki ce, pyein nak phih om ca kya ki.

A tham nak-ung, (Tekahto) tu mat ta phäh, a tung pi-ah kya ca, ca-uk lah ng’thei tham nak vai khap shoi tu Ca, bi lo nak gui hlü ca kya ki. Chang mät hngu neh, ng’shi nak-ung, Cong htu/Cong hta (63%) nawh, mät ta ng’thei-ah a mong (pa-hta) yon sheng ca, Ca-uk hlü-ki lah Cong htu/ Cong hta (25%) nawh läi, a hlü lah ă hlü kä hmat ce, m’shang nak ba, om Ca kya ki.  Cun gui teng shum-ah kya kung, Cong htu/Cong hta gui cuh, Ca-teng Im ma cuh, kä teit shan ki gui ce, hngu hnging nga kya ki.  Cung kon-nah, Cong htu/ Cong hta, a da pi nawh (hngün-department) ung ca teng Im, kä om ki ce pyein ki gui nei. M’va ca (hngün) lah English bäng va (hngün) Ca teng Im, a Om cuh, hngu hmat ta kya ki. A cang nga bi lo nak-ung hlü Ca, ng’thei tham nak vai khap shoi, tu ca bi lo nak gui hlü ki lak cong Im kyong-ung om ci gui cuh van nawh kä kyüi-ah kya ki ce, a mi pyein hmat nak phih om ki nei. Cung kon na, a m’sha cuh a phuh kyüi aih ca kya hlei, m’di-ah kya kug, m’thung vai kyüi neh Cong htu/ Cong hta gui nawh, kä ton yap hlü phih Om Ca kya k ice pyein ki gui nei. Nga tü vai tu mat cuh, ang m’sha (hngün) – ung sayar/ sayarma da ki te, m’sha (hngün) läi yung hlü Ca hngu-ah mong phih om ca kya ki.

A pli nak-ung, Cong htu/Cong hta gui-ah, a mi i om te ton nak, motor cycle gui a mi tha nak vai lah, A ten na, ngui a mi lak/plok nak vai cuh, Hakha (Tekahto), College gui-ung, pan ni, (ATM) gui phih kä om ca kya ki. Cong htu/Cong hta gui ka vai, Hakha College ka kyong nga, hostel om te ki phih, om I nak ka, kä hloi ki ce Cong htu/ Cong hta (70%) nawh pyein ca kya ki. GTI cong –ung läi, Cong htu/ Cong hta om I nak vai, hostel kä om hlei, im ng’van ne, om ci gui kya ki, ang ng’hloi hlak nak gui phih, om ci ce pyein nak gui phih om ca kya ki.

Hngu hmat gui m’cu m’don neh, teng ba kya kung Hakhar (Tekahto), College gui yung ng’thei nak vai hlü ca, cong im, ng’thei tham nak, khap shoi ki gui cuh a hlü kon nak, Cong htu/Cong hta, a mi I om na vai, im phih kä ng’kyüm ca kya ki. Kyä – hla gai gawng vain g’gü k’la nak vai gui phih a da hlü ki cuh hngu kya ki. Ca kya hlei k’cho khaw-ung (Tekahto), College gui a hang khai nak vai lah hngu hmat nak gui pe hnging ca (Tekahto), College gui-ah, a kya vai cuh (Tekahto), College gui-ung om ca ng’vai gui, A-coyah ng’vai gui, chang hli ka vai ng’bum gui lak ghun khaw chang päng van nawh ät neh, bi lo vai hlü ca kya ki nei.

Note: Written by Tha Cer Cin, and translated by Joseph Ning Thang Ki

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s