Ui-nai penja kjeaung (Lungpi) ih kjeaungtabiechie avum nai rai naira hawi kamtangchie

Mary Kipmen

Hini research ra y Chin prie, Falam ka-peang theung y awm nai Ui-nai penja kjeaung (Lungpi) y lyhn nai kjeaungtabiechie avum nai rai nairachie hawi kamtangchie ai pany ai nai kavui sa nai ne. Hini research ail y qualitative approach leaungsai hawi sa nai ne ih, sara/saranuchie py abawi nai khumi leaung 20 rie ai deing nai rai h nga nai saichie ne. Hini research theung y niu nai saichie ly anui mang y tajyh nai kamta ne.

Angcheih ih nai ly, Ui-nai penja patiu pie nai kjeaung (Lungpi) y lyhn nai kjeaungtabiechie ly awm ai nai hawi cha nei ai nai kavui raira awm nanai thai nai ne. Kjeaungtabiechie awm ai nai hostel py alawn y nai khyh chang y, ih ai nai ihra kadang py alawn y nanai thai nai tla. Ihra kadang alawn y nai y kadang nyhrie ai van khai iy leaung thumrie ih nanaichie py awm nai tla. Hunai khyh chang y, ihra kadang harie hawi harie sala meingtym kamtle py by y na ih, khumi tako ai nai malawn py rai na nai ne. Akhan (room) ha harie salay y py tapang pie naichie by y nai deaungkho y amy leaungleaung ih awm naisai ra y py rai ih, cha khen ai nai py rai nanai thui nai ne.

Pa-nyh ih nai ly, teicha tanei mang y rai naira awm nanai thui nai tla. Kanirie y tlen nyhrie biu pacho khyh ih tabairie y mawi tlen thumrie pacho khyh ti. Hini research ra y pathang nai kjeaungtabie nawikeh naichie ly kani tleihrie pie-an hawi nga-pi pacho nail y pipi hawi y na nanai amtie u nai ne. Naibaly biucha ra meingtym ly theaung iy atehra kheung hawi chabawi chie py alawn y nai y ka-lie ka-lie biu cha ai tla nanai thui nai ne. Dyhm biu cha chum baly second year hawi third year chie ly kalup awm nai deaungkho y cha kathiri, biu cha nai neing py dawi nai deaungkho y dyhm mang cha khen ra meightym (library) y biu alam nai py avum reng nanai thui nai tla. Hunai deaungkho y lawira hawi awm ai ngai nai kjeaungtabiechie ly angam mang y awmra alai iy awm u nanai thui nai ne.

Reita chikan nawi ala nai y awm naisai hawi y nanai thui nai py awm nai tla. Kjeaung kampawm theung y mawtaw saike kun theu pei y nai, angam mang y theu nai tleihrie satang thai hai tla nai, neampachychie ly dyhm mang 5:30pm humang ai na baly angam theu pei y naichie deaungkho y raira avum naichie awm nai ne. Cha amtiu naira y py raira awm nanai thui nai tla. Leu kabeaung y sara/saranuchie mang ih thui pie nai harie awm khyh ih kjeaungtabiechie ai deing hai teang nai, arum pie nai by y nanai thui nai tla. Huni khyh chang y, cha-iu chie ai ly english cha hawi tajyh ih sara/saranuchie my huni english cha hawi tajyh nai ai Bama leu mang tapeang pie nai, assignment cha sa kha py sara/saranuchie my thui pie nai cha-iu theung ih chachie ai tajyh kha ryp nai, chadeingpawi kha y py kawp naichie tajyh hai nai ny y nai my by-heart sa iy tajyh teang nai teu nanai thui nai tla. Hunai deaungkho y kjeaungtabiechie ly kawp ai avo nai ryrie kawp thai y nai kamta ne nanai thui nai tla. 

Practical sa iy amtiu ai nga baly kawp naisai nawi ai nanai kjeaungtabiechie my thui nai tla. Na i py, practical hawihai so hai y nai nawi nanai thui nai ne. Leu kabeaung y, champie patawm nai penja patiu pie kha y practical hawi patiu pie nai ny y nai my, cha-iu khen iy thui pie joja nai teu nanai thui. Naibaly classroom harie y kjeaungtabie leaung 75 rie khai atehra kheung hawi sabawichie py anga y nai deaungkho y atehra kheung harie y leaung nyhrie ateh ai tla nai py awm nanai thui. Naibaly theingthai keung ui nai satang harie patiu pie khyh ih, kaseaungpau keung ui nai satang amtiu ngai naichie ly raira avum nai ne. Kjeaung y ti chie py alawn y nanai pany nai tla. Practical sa naira y teaung ai nai phaleuva py harie awm khyh ih, practical so vai y, pany y naichie ai cha-iu theung ai khen joja tla nanai thui u nai ne.

Hunai khyh chang y, leu teaung naisai ra y py raira avum nanai thui u nai ne. Sara/saranuchie nawikeh nai ly Bama cheng ne nai deaungkho y Chin kjeaungtabiechie ly cha amtiu kha y hawihai pa-lai py kawp y nai nawi nai ne. Patiu pie nai leaungsai phyrie chie ai py y naichie awm teu iy py deing teang vang y nanai kjeaungtabie leaungrie ly thui nai ne. Vai pany naisai harie ly kjeaungtabie nawikeh naichie ly amy ih kangai hawi kjeaung y tym nai ny y ih, amh’m ampo amjo amnauchie my pacheih nai y tym nai deaungkho y mymychie cha amtiu ra y paleung apei naisai di naichie awm nai tla nanai py sara/saranuchie my thui nai ne.

Kangkhyhn ih nai thui ai na baly, Lungpi Ui-nai Penja amtiu nai kjeaung y lyhn naichie my ly nichie ih awm nai, biu an cha nai, reita chikan, cha patiu pie nai leaungsai, practical sa nai, cha amtiu ra y teaung nai ateaung alang lawn y nai, ti amymy ngo thai y nai hawi leu hawihai py kawp y nai napie nai rairachie avum nai tla nanai niu nai ne.

Note: Written by Mary Kipmen and translated by Mai Teresa Khin

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s