Tuition Honna, Letsong Piakna Leh Pilsin Saang Sinna

Salai Ngun San Aung

Kawlgam ah tuition aki cih ciangin sangkah hun khengval ah atuam in hun pia in sinna acihna ahi hi. Frontier Myanmar ten Tuition sinsakna pen tuni dong sumnak hoih khatin na gen uh hi. Tuition honna pen kawlgam akipan gam atam zaw ten kumpi phalna tawh asem uh hilo hi ci-in ciamteh uh hi. Ahi zongin kawlgam adingin pilsin saang sinna sang (University) ah tuition kikah bek thamloh in lamet khat nei in sia/mah te letsong tawh a kithoihna kimu thei hi. Tua ahih manin bang hangin sang ah tuition leh letsong piakna om ahi hiam? Tua te hangin sang naupang te in bangzah phattuampih uh ahi hiam? Siatna bangzah piang sak hiam? Aphat tuampih taktak aom hiam cih te kan ding kisam hi.  Hih thu kankhiatna lai pen Chin (zomi) atam zawte sang kahna, Kalay University bulphuh in tuition honna leh van letsong piakna hangin sang naupang ten asangkahna vuah aphat tuampihna uh leh a siatnate kankhiat ding ngimna tawh akibawl ahi hi.

Hih kankhiatna hangin a kimu khia thu te in anuai abang ahi hi. A khatna ah University sang ah tuition akihon theihna dinmun pen sang naupang ten alai on nading un sum khol in sia/mah te sam in lai kihilh sak uh hi cih kimu hi. Dotna adawng sang naupangte lak ah 61 % in tuition kahna hangin lai on ding lamet om zaw ci uh a, 58 % in bel sang naupang ten zong sia/mah te lai hilh dingin sam uh hi ci uh hi.

A nihna ah tuition honna leh tuition kahna hangin sang naupangte gamtatsia sak hi cih kimu khia hi. Dotna adawng sang naupang te lakah 77 % in tuition kahna hangin sangkah hun atawm tuam banah tuition mun pawl khat ah laihuanna ah a kidong dingte bek a sin om hi aci zong om hi. Tua ban ah sia/mah te tuition ah lai a hilhna uh hangin a sang lai hilh ding uh pelh (absent) liang uh hi ci-in sang naupang 47 % in dawng uh hi. Dotna adawng sang naupang 49 % ten bel tuition kahna hangin kipil tuam khol kei ci uh hi. Tua ahih manin sang naupang atam zaw ten tuition kah hoih hi acih uh hangin pilsin saang sinna (higher education) adingin aphattuamna taktak a om lohna kimu hi.

            Adang a kimu khia khat in sia/mah te tungah letsong, van apia sang naupang ten sia/mah te’ maipha mu zaw hi cih dotna adawng sang naupang 62 % in dawng uh hi.  Tua ban ah laihuanna ah a kidong ding dotna te atheih nop man un khan (class) khat sunga om sang naupang ten amau sia/mah te tungah letsong pia uh a, a zenzen in letsong apia nuamlo sang naupang a om leh zawhthawh thu tawh pia sak teitei uh hi cih kimu khia hi. Dotna adawng sang naupang te lakah 45% ten sia/mah te letsong pia kei le ung lai kikia thei hi ci-in dawng uh hi.

            Ahih hangin sang naupang atam zaw ten letsong, van piakna pen lai on nading tawh kisai kei ci uh hi. Sang naupang atam zaw ahi 74 % ten bel letsong piakna pen nasep hoih khat hi ci-in gen uh hi. Dotna adawng sang naupang alang val (32% , 31% in letsong piakna hangin aphat tuamna leh aphat tuam lohna ka thei kei uh ci) in letsong piakna pen sangah lai ong sinsak uh ciangin kilang mahmah hi ci a, 37 % in sang laisinna ah nawngkaina (suk khakna) om lo hi ci-in um uh hi.

            Atawpna ah thesis leh term paper abawl uh ciangin sia/mah te letsong, van khat pepeuh piak ding a kisapna kimu hi. Tua bek tham loh in Extra-reader (mundang, sangdang pan sang naupang te’ lai a sitsak dingin a kisam sia) a kici sia te zat ahi  aciah akuanna, giahna a kipan anek adawn khempeuh sang naupang ten asiksak ban vuah khausung avak nopna khempeuh uh mawtaw sap sakin vakpih kawikawi ahihna kimu thei hi.

            Thukhupna, pilna a kibehlap theih nadingin tuition kahna, zahtakna tawh sia/mah te letsong apia hilo in olno takin lai on nop man leh buaih ngah nop manin letsong apia uh ahihna hih kankhiatna pan in kimu thei hi. Tua banah sia/mah te leh sang naupang te adingin amau nasep leh ahihna uh daang sakin gamtat luheek a kipan pilna sinna dongah dongtang sak hi cih kimu hi. Tua ahih manin tuni dongin a kizang tuition honna, tuition kahna leh letsong, van khat pepeuh piakna pen thuneite akipan pilna sin sang naupangte leh sia/mah ten gam leh minam itna tawh dal in langpan ding kisam hi.

Note: Written by Salai Ngun San Aung, and translated by Langh Sian Khai.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s