K’Cho Khaw- ung K’hlüng Tai Ca Pyinya – ah Mong M’kon (Cho Version)

Za Peng Lian

Pyinya mong m’kon

Pyinya mong m’kon, ci na ki-cuh,(Tekahto) tu mat mat-ung, Ca m’thei Ca Sayar/Sayarma gui, (Htu-tei-hta-na) ng’bung tu mat mat-ah, a mi hngu-ah mong gui, lah k’hlüng tai pyinya ng’thei tham ci gui-ah Cong htu/Cong hta gui, ka vai, hlü aih ca, Right tu mat-ah  kya ki. Cung kon-ah pyinya mong m’kon ci nak ki cuh, sayar/sayarma (Htu-tei-hti) gui lah cong htu/conghta-ah Right bäng kä kya hlei, pyinya-ah mong Im-ung bi lo chang phung phung-ung Om Ca, Right ka kya ki. Cung na kya hlei, pyinya mong m’kon cuh, ng’ya hlü-ah m’thei nak, ng’ya hlü-ah bi lo nak, ng’ya hlü-ah, ng’thei tham nak Kon-ah mä, bi bi neh hngu hmat-tu cang ca chang gui nawh, pyinya ma mong ka vai, ma leng lo neh bi ki gui u yung phih, om ca Right ka kya ki.

Pyinya mong m’kon cuh, m’dek khan ghun khaw päng-ung, chang shing van-ung om ca, Human Right tu mat ta phih kya ki. Human Right ka kya hlei, pyinya mong m’kon cuh ng’thei tham ci gui lah hngu hmat pi ki gui päng-ung om ca kya ki. Pyinya mong m’kon tung om ci gui cuh, ng’ya hlü-ah m’thei, ng’ya hlü-ah (htu-tei-hta-na) bi lo, ng’ya hlü-ah ng’shi ca, ng’ya hlü-ah guk then lah ca-uk pyan, pyinya m’thei ca (Tekahto) ung om ca chang gui-ah, a mi bi lo gui phih, ng’ya hlü-ah, á ming ng’kyüm be nak gui van cuh shui lei pyein hlak nak gui phih, a om vai hlü ca kya ki.

(M-J John-stone 2012:4) pyinya mong m’kon cuh, om pi ca hngu hmat nak gui lah bi lo gui-ah khan na, ng’ya hlü-ah ng’shi ca, (htu-tei-hta-na) bi lo, ng’ya hlü-ah bi shüm gui, mät ta hngu hmat tu gui van ng’ya hlü-ah guk then tu vai gui cuh na hun tu pe ca kya ki.

Mi mi ghun khaw yung, Ca m’thei ca sayar/sayarma, (htu-tei-hti-researcher) gui, Cong htu/Cong hta gui lah ng’thei tham vai mong bi lo ki gui van, ng’vai gui nawh m’om co nak gui, m’kyü nak gui kä om mein hlei, ng’ya hlü-ah ng’nga tü, mät ta hngu hmat tu gui cuh thä hla tu lah Ghun khaw-ah mong-ung, ng’ya hlü-ah bi lo m’cu don tu kya kung va, mi ghun khaw-ung, pyinya mong m’kon om ci ce, pyein hnging nga kya ki. (Cheryl Hudgon 2016:19).

K’Cho Khaw – ung K’hlüng Tai Ca Pyinya – ah Mong M’kon

K’Cho Khaw-ung K’hlüng tai ca pyinya-ah mong m’kon, I hlok-ah kya ki/ Om ki ci cuh Myanmar Ghun Khaw pum-ung pyinya-ah mong m’kon, I cha-ah a kya na kon va, pyein vai/nüt vai kya ki. A toi-ah pyein na kya-kung, 1962 kum, (Gakap gangcamah) gui a mi uk-chuk nak cuh, She sham hlei, di dam Ca (pyinya-ah mong m’kon) cuh tu chü Chüt, ng’chüm ba khai, bi nak ba/pyan nak ba cuh, kä hngu pha-ah kya ki.

1962 kum, U Nei von A-Coyah-ung ka nawh, tu chü NLD A-Coyah Chüt-ah,Ghun khaw pum-ung, a ming ng’ya hlü-ah ng’ge ki gui, pyein hlak ki gui K’pya gha plän Ca Sayar/Sayarma gui lah Cong htu/conghta gui van, pha neh, chum yop nak, om ci cuh hngu hmat ta kya ki. A nă-ah hup dep nak gui büi Ca Sayar, Sayarma gui Lah Cong htu/ conghta gui phih da ca kya ki (Censorship news no.18 1992)

(Gangcamah A-Coyah Uk-chuk) nak-ah mong lah a mi bi lo gui-ah mong Cuh, pyein tu kya-kung, a däm mah, hma-kat vai hlü-ah, ng’ngai vai hngo kya mat ki. 2019 kum, kum thai-ung ka nawh (June) cha chüt, (a ng’ya hlü-ah/ a kya hlü-ah pyein hlak-guk then cuh m’htei ca Upatei), kä läk ka-phäh ci neh, chang shing 250 cuh phah nak, thong chum nak La ngui ng’lo hlak nak gui cuh, a da hngu-ah kya ki.

Tu güt Myanmar ghun khaw-ung (hlüng tai ca pyinya), I kya-hlei, khan na, ă hang khai tu Ci yung, (Tekahto) gui-ung, mät phäh phäh–ah (Tekahto) ka vai, ng’hloi ng’hlak Ca bi loh vai-ah mong lah ( Uk-Chuk) vai-ah mong cuh, kä om Ca kya hle ce, pyein vai kya ki (EiShwe Phyu 2018, The Myanmar Times).

2015 kum-ung, A mi pyan ba-ah (ghun khaw pyinya mong Upatei) ung, (Tekahto) cong htu/cong hta gui-am, a mi ng’ya hlü, kya hlü, a pi a mi peit te cun phih, Sayar/Sayarma gui lah Cong hta ng’bum gui, a da nawh, kä yum neh, ng’pyein nak om ca kya ki. I kya hlei Ci yung, (Ghun khaw pyinya mong upatei) ah ng’ya hlü cuh, hlüng tai ca pyinya ng’thei tham nga mong lah Uk-Chuk bi loh gui van cuh, teng shüm-ah kya-kung, (Pa-ho-Uk-Chuk) nak mong nawh, a ko’ gui yop-ah kya ki (EiShwe Phyu 2018: The Myanmar Times).

A khan (Paho Uk-chuk) nak cuh, däm aih hleih, (Tekahto) gui-cuh, A ming ng’thei gui-ah a mong (pa-hta) gui-ah khan na, pyan tham, khap shoi, tu vai kä om ba ca kya ki. Sayar/Sayarma a thai (or) (von-than) a thai, chü vai-ah a hlü kya – ung phih, (Tekahto) gui cuh, a ming ng’ya hlü-ah, bi lo mong lam cuh, a be-ah, kä bi lo hlot ci gui-ah kya ki.

Cong htu/Cong hta gui cuh, a mi mät-ah ng’thei hlü-ah a mong (pa-hta), a mi khai hlü- ah (Tekahto) cuh, a ming ngai-ah, kä ghü hlot ci gui-ah kya ki/ ghü vai kä om Ca Kya Ki.

A mi mät-ah, a ming ng’thei hnging-ah a mong (pa-hta) lah a mi kai tu hnging nga (Tekahto) gui-cuh, (Setan Ca min poi) ung, a mi ga-ah, a hmat, a da lah a kyen non va, teit ci gui-ah kya ki. A Ca kya hlei, (Setan Ca min poi) phlän pi ki gui cuh, a ming ng’ya hlü-ah (pyinya) ng’thei tham nak, a mi yum-ah a mong (pa-hta) shui lei ng’thei tham nak lah (Tekahto) gui cuh a mi ghü vai, kä om Ca Kya Ki nei.

Note: Written by Za Peng Lian, and translated by Joseph Ning Thang Ki.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s