Lung pi Geit ko-ah mong (Htipan) yung, Kai tu ki gui a mi büi-ah a kyong kyan gui lah a mi tha nak vai gui

Mary Kipmen

Shin na (Htuteihtana) cuh K’cho khaw, Falam mong gaw k’ka-ah om Ca, lungpi geit ko-ah mong (Htipan) Cong-ung, kai tu ki gui, a mi büi-ah a kyong kyan gui lah a mi tha nak vai gui teng m’kyein vai, m’lung ngai tha-ah kya ki nei. Shin na (htuteihtana) ka vai, qualitative approach yon sayar/sayarma gui lah, chang shing m’ku (20), ng’shi ca Lah phone ngon, ng’shi Ca neh bi lo kya ki nei.

Ma pi bäi neh, lung pi geit ko-ah mong (Htipan) nung, kai tu ki gui Cong htu/Cong hta gui cuh a mi I om nak vai, hostel ni, ka tin gui phih a van ka vai, kä om hlei ka-tin hngi m’dün neh chang tham ip ce, pyein nak om ca kya ki. Cun kon na, Im kyong phih yo aih hlei, a mi kho tang, k’tu chü tha nak vai lah ca a mi dan vai phih, kä ng’hloi ca kya ki.

A hngi nak-ung, a mi ei awk ka mong cuh pyein na kya kung, hngüp ät-tung, hngi vei bäng bu m’ei ki gui lah hmüp k’chüi-yung, k’tham vei bäng, me shong neh m’ei ki gui ce hmat nak,  om ca kya ki.

A hmüp täi hlei, kalar k’bei lah ngapi lai lai va, a mi m’ei gui ni, bu a mi ei nak phih, a yo aih ni, bu ei nak pe m’shon lah ngo pe gui phih, van ka vai, kä om hlei, ng’thong ng’thong neh va, ei ki gui ce hmat tu-ah kya ki nei. Mü hngün bu ei yop kon nak, a kum goi nak lah a kum thum nak, kai ca Cong htu/ Cong hta gui cuh, a mi bi lo ba gui, om ca kya hlei, bu phih ving ving nga ei nak ni, mü ei ng’don aih hlei, mü-ah ca a mi teng ya-ung, ei m’coi nak gui cuh om ca kya hlei, a ming ng’ya hlü-ah, ip om, ei awk hlü ki gui-ah Cong htu/Cong hta gui cuh a pung nga, om ma kya ki ce, m’sha nawh pyain ca kya ki.

M’ting nak aih, a om phih kä hloi ki ce, pyan nak om ca kya ki. Cong ng’vong kyong nga, Motor Cycle, kä te ton vai, a pung nga te täi hlei, sign guk gui lah, hngu mi gui cuh, hngi m’chin 5:30 kon na, a pung kä te ton ba vai ci  gui cuh, kä ng’hloi ca kya ki ce, pyein nak, m’ting nak gui, om ca kya ki. Ng’thei tham nak-ung phih Sayar/Sayarma gui bäng nawh, m’thein nak, om hlei, vang nga vei, ng’ge nak gui, kä om ca kya ki. Ng’thei-ah ca-uk gui van, English bäng ngon guk ka kya ne, sayar/sayarma gui phih phlan bäng va ga ki gui, assignment guk yang phih sayar/sayarma gui nawh, a mi peit gui bang guk tu ce, pyein nak om ca kya ki. Examination phih k’chei neh ga yop bang guk ba kya neh k’tha nah ma vai-Challenge gui, da ki ce hmat nak, om ca kya ki.

A cang nga bi lo ge neh, ng’thei tham-ung, a yä-ah hmat tu ba te, cun phih kyen ki ce, Cong htu/Cong hta m’sha nawh pyein ca kya ki. Cun kon na, Cong Im kyong tu mat tung, chang shing (75) ng’thei kya neh k’pe m’shon, ngo pe gui cuh, van ka vai, kä om hlei ngo pe tu mat-ung, Chang hngi ngo neh ng’thei ce, pyein nak om ca kya ki. A da pi-ah ng’thei cuh, shing ghüng geit ta a mong bäng, m’thei u hlei, papai geit hlü ki gui phäh, kä hloi ca hngu nak phih om ca kya ki. Cun kon-ah geit m’shi a pi, a cang nga bi lo, lo vai yung bi na vai, a om phih hngu hnging nga kya ki. Cong htu/Cong hta a da pi nawh, a cang nga bi lo nak kä hngu hmat tu, ca-uk bang va ng’thei tu ce pyein nak gui cuh om ca kya ki.

Cun kon-ah, Ca m’thei ca Sayar/Sayarma a da tu ba cuh, m’va gui kya hlei, k’cho Cong htu/Cong hta gui phäh K’chü kä shing, a om ni, a sha k’chü ng’lung gui, kä hmat te phih, ng’shi ca ba vai, K’kyü nak om ki ce, cong hta/Cong htu tu mat nawh pyein ca kya ki. Tu mat hngu hmat cuh, Cong htu/ Cong hta, a da tu ba cuh, kä gäng hnga te ki gui, a mi nu-pa gui-ah, kai tu hlak gui-ah kya hlei, kä ng’thei tu hlü hma ki gui kya neh, Sayar/Sayarma ka gui phäh k’chün ki ce, hngu nak phih om ca kya ki.

Lu-long neh pyein nakya kung, lungpi geit-ko (htipan) cong – ung, kai tu ki gui cuh, a mi i om, ei awk, m’ting nak, ng’ thei tham gui, a cang nga bi lo gui, a kyen ni, bi lo nak gui, van ka vai, kä om ci ce hngu gui, geit m’shi kä om lah k’chü ko gui van-ung, kä hloi na gui cuh, mi hngu tu hnging ki nei.

Note: Written by Mary Kipmen ,translated by Joseph Ning Thang Ki.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s